Your cart

敏感肌必學!天然去角質提升肌膚吸收力

敏感肌必學!天然去角質提升肌膚吸收力

角質位於肌膚最外層,作用就如肌膚嘅磚牆,防止肌膚受外界侵害及污染,同時鎖住水分。健康肌膚平均28天會自然代謝一次,但隨住年齡增長或者生活習慣等因素影響,肌膚代謝速度會減慢,當老廢角質積聚,肌膚吸收力同埋鎖水力都會降低,令各樣護膚品唔可以真正發揮功效。因此,想提升肌膚吸收力,就要不分季節敏星期都要去角質一次。

敏感肌智選天然成分去角質

敏感肌膚必須小心挑選天然成分嘅去角質產品,亦可以天然材料DIY去角質面膜,咁樣就可以安心去角質,保持肌膚吸收力。

DIY去角質 (1):海鹽 X 牛奶

功效:牛奶含有豐富嘅乳脂肪、維他命同礦物質,具有天然保濕效果;而海鹽中嘅礦物質就可軟化肌膚角質。

做法:將兩茶匙幼海鹽同適量牛奶混合,然後搽喺肌膚上慢慢搓揉,盡量避開眼周同嘴唇位置,等1分鐘之後用清水洗淨即可。

DIY去角質 (2):燕麥 X 乳酪

功效:純天然乳酪含有生素A、B、E、蛋白質同鈣質等營養成份同埋富含酵素,可以促進肌膚新陳代謝,仲有收細毛孔及深層滋養皮膚嘅作用。

做法:先將燕麥用水略浸至軟身,然後將柔軟嘅燕麥同乳酪混合,均勻敷喺臉上等15至20分鐘,用清水洗淨即可溫和去角質。

DIY去角質 (3):黃糖 X 蜂蜜

功效:黃糖具有潔凈、抗菌同去角質功效;當中更有獨特抗氧化物,防止細胞衰老。

做法:幼黃糖4茶匙混合2茶匙蜂蜜,輕輕打圈按摩面部,然後用溫水洗。