Your cart
Close Alternative Icon

秋冬美肌保養3大護法

Arrow Thin Left Icon Arrow Thin Right Icon
秋冬美肌保養3大護法

唔少人喺夏天特別重視身材同身體保養,一到秋冬就即刻鬆懈,以為冇人睇到就忽略保養。其實乾燥嘅天氣、睇落唔太不兇恨嘅紫外線,先係身體肌膚老化嘅保養盲點,即check秋冬美肌保養3大護法,完美肌同步過冬!

應該更重視防曬
雖然紫外線嘅強度會隨季節而變化,但紫外線一年四季都喺呢到。好多人以為只有夏天紫外線兇狠,需要做足防曬保護,但其實秋冬嘅紫外線亦非常「陰濕」。相比於夏天,波長較短嘅UVB喺冬天會減少約80%。然而,可深入穿透肌膚嘅UVA只會減少50%。所以即使進入秋冬,都要保護肌膚同頭髮,避免受到紫外線侵害!特別係郊遊、滑雪等戶外活動嘅秋冬,防曬護理不容忽視。

慎選沐浴露
身體皮脂腺分泌少,特別係四肢,所以喺乾燥天氣時,身體保養更應特別下功夫。沖涼嗰陣,應該盡量避免用去油性強嘅鹼性皂類,選擇微酸性保濕型沐浴乳去平衡身體肌膚的pH值。同時一d含超強保濕因子成分嘅沐浴露,有助肌膚恢復吸水、鎖水,達到保濕肌膚功效。緊記天氣凍都唔好用過熱嘅水沖涼,當水溫過度時會因為表皮細胞受傷而破壞肌膚原來嘅皮脂膜,亦會造成肌膚乾燥及鬆弛。


補濕重頭戲
秋冬乾燥天氣,令肌膚流失大量水分,除左勤飲水補充體內水分,更需要照顧肌膚嘅補濕工作,雙管齊下。相信唔少人成日話記得換滋潤保濕成分更高嘅臉部護膚品,但係就成日忘記body lotion亦同樣需要隨季節而換。特別是天氣、濕度突如其來嘅轉變,不但會令肌膚變得乾燥、痕癢,亦很易會引發紅、炎症等過敏跡象。記得每次喺沐浴後,都要塗上潤膚乳液,加上適度按摩,更可以為秋冬緩慢下來嘅血液循環加溫。