Your cart

美容冷知識

懷孕期間下肢嚴重水腫?五個簡單食譜幫你有效紓緩解水腫問題

懷孕期間下肢嚴重水腫?五個簡單食譜幫你有效紓緩解水腫問題

好多女生懷孕6個月之後,可能會有四肢腫脹嘅情況,稱之為孕期水腫。如果只係腳踭有輕度腫脹,喺休息之後就會慢慢消失,呢個係屬於正常現象,唔使太過擔心。但係如果腫脹繼續加劇,甚至蔓延到全身,咁我地就要採取一定嘅措施黎緩解水腫癥狀啦。

戒口

首先,喺飲食上切忌食過鹹嘅食物、寒涼食物同埋油膩食物,例如肥肉、糯米等。呢d食物喺體內容易形象脾胃運化水濕功能,令水濕好難消退。飲食要以清淡為主,尤其適合食有利水消腫嘅赤小豆、黑豆、綠豆、莧菜、黃白花椰菜、葫蘆、萵苣。兼脾虛者,可以加山藥、香菇、栗子、大棗等健脾食材;如果腎陽唔夠嘅朋友,可以加蓮子、芡實、羊肉等補腎食物。

 

當水腫嚴重,而小便少時,咁就要限制每日嘅飲水量,而且採用無鹽飲食,避免水分喺體內停留加重,到時就更加難以排出。

健康處方

喺發生妊娠水腫後,要密切注意觀察血壓、體重嘅情況。如果血壓增高過體重增加很好明顯嘅朋友,應該立即去醫院積極治療,避免妊娠中毒症嘅發生。除此之外,採用飲食療法都會有助於減輕水腫,而且對孕婦同bb都有益處。下面就為大家介紹幾款葯膳食譜,各位朋友可以根據自身情況選擇。

一:將粟米剁碎後加水煮滾,用文火煨,加少量食鹽,水滾後倒入鮮奶,然後放適量砂糖調味。

二:雞肉剁碎然後將小米煮成湯,放少量食鹽調味,水滾後用文火煨成糊狀服用。

三:分別攞赤小豆100g,綠豆100g,黑豆100g。將呢三種豆類洗乾淨後放入鍋中一齊煮,煮至爛熟,加入適量白糖調味。

四:田螺10個,放入滾水中碌熟,取出田螺肉,加入花椒10g,米仁30g,煮成粥,

五:冬瓜50g,豆瓣12g,黃芪10g。一齊放入水入面煮,待豆爛後丟掉黃芪加入適量紅糖。

Continue reading

必跟!5個護髮好習慣5個護髮好習慣

必跟!5個護髮好習慣5個護髮好習慣

話明「三千煩惱絲」,每個人或多或少都必定有啲關於頭髮嘅問題,例如最普遍嘅乾旱、開叉、毛躁、掉髮等,其實只要能夠注意一下平時嘅日常護理習慣,呢啲問題都可以輕易解決,尤其是係洗髮、梳髮、吹髮,幾乎每日都要做嘅護理程序,更加唔可以掉以輕心!

點洗頭髮先夠乾淨又唔怕乾?


有無發現去髮型屋洗頭後,頭髮總係特別清爽柔順?當然,髮型師嘅吹髮技巧應記一功,但重點係髮型屋嘅洗髮程序唔馬虎,同自己喺屋企扭開花曬淋幾淋,落洗頭水捽幾捽,再沖沖水就完事,其清潔效果實在相差太遠!
洗髮嘅目的係要開啟、洗凈髮絲表面毛鱗片,如果只係好快手咁洗幾下,可能只係洗到髮絲而無洗到頭皮。
提高洗淨效果嘅正確方法:開始洗頭髮之前,先用手指頭或梳將頭髮充分咁梳開,目的係去除脫落嘅毛髮,同埋令角質浮現出來;然後以溫水清洗一次,要將頭皮及頭髮的每一個部位都清洗到,好多時洗頭水唔起泡,係因為頭髮唔夠濕,如果以為唔起泡而猛加洗頭水,就會過度刺激頭皮同髮根,令頭髮越來越乾躁。

護髮素到底只可搽髮尾,定係頭皮都要搽?


坊間流傳護髮素只可以搽喺髮尾,係怕會令頭髮好快出油。實際係要視乎髮質同產品類型。免沖洗護髮素因為係直接留喺髮絲表面,所以只適宜從中間部分搽到髮尾;而一般的沖洗式護髮素,最好係從頭皮抹到髮尾,並且加上輕柔按摩,俾時間頭髮吸收,因為要從生長頭髮的髮根開始滋潤起,效果較好,但使用之後必須要徹底清洗,否則護髮素嘅殘餘物好容易阻塞毛囊,造成頭瘡及頭皮發炎等問題。

有咩方法梳頭髮唔怕打結同靜電?


冬天最易出現呢個問題,可以預備一支注滿清水嘅噴霧,加入幾滴嬰兒油或純橄欖油,梳頭髮時將水噴濕全髮,再慢慢梳理,感覺會更加順暢。要防靜電的話,就要揀木質梳子或防靜電專用梳子,塑膠質料會因為同頭髮摩擦而產生靜電。

點吹頭髮先會順滑,唔旱同起晒毛毛?


「保持距離」係關鍵,吹頭髮嘅時候要注意風筒同頭髮嘅距離,最理想係大概15-20cm左右,風筒唔可以對住頭髮直吹,亦唔可以定喺一個位置吹好耐,否則頭髮就會變得好乾好蓬鬆。正確方法係風口要向下順住吹,而且要邊吹邊搖擺風筒,咁樣隻手係會攰啲,但就無咁傷頭髮!

Continue reading

摩洛哥堅果油五大神奇功效

摩洛哥堅果油五大神奇功效

每當我地諗起摩洛哥堅果油嗰陣時,往往都只會諗起佢對頭髮嘅好處,如果你仲只係覺得堅果油令你有一把光澤而有彈性嘅秀髮。咁樣就大大低估左佢嘅效用喇!其實堅果油嘅好處遠遠超越你所諗,好多天然有機美容產品中都發現到堅果油嘅身影。

摩洛哥堅果油中四大美容成分

1,不飽和脂肪酸

堅果油最為人熟識嘅當然係佢超過80%嘅不飽和脂肪酸,當中最豐富嘅係omega-9g油酸同埋omega亞麻油酸,後吉更係唔可以從身體自行合成製造出黎,只能夠透過飲食同護膚品黎補充。
Omega-6亞麻酸不但可以保持皮膚細胞嘅完整性,更有效調控細胞流動性,增強皮膚鎖水同修復功能,促進前列腺素從而間接抒緩皮膚炎症問題。

2.角鯊烯

作為肌膚天然油脂分泌嘅主要成分,角鯊烯絕對可以稱得上係最親切天然嘅潤膚成份。而角鯊烯質感輕盈,搽上唔覺油膩,佢能夠慢慢滲入肌膚底層,幫助鎖實水份。

3.葉黃素

葉黃素係胡蘿蔔素嘅一種,好多研究發現佢能夠有效防止紫外線嘅傷害,減少紅班同皮膚刺激。

4.植物固醇

植物固醇唔單止有優異嘅保濕能力而且迅速滲入皮膚,更可以改善皮膚新陳代謝同埋減少炎症預防皮膚老化。

摩洛哥堅果油護膚好處

長效保濕
 - 堅果油嘅成分令佢有出色嘅保濕效能,令皮膚細胞緊密排列鎖住水分,修復皮脂膜,減少水分流失。

抗衰老
 - 藴含豐富抗氧化物,抵抗自由基,抗衰老

平衡油脂分泌
- 堅果油質地輕巧,唔會阻塞毛孔,即使係油性皮膚都可以放心用,皮膚得到充分保濕,繼而平衡皮脂,有助減少分泌。

Safia 100% 純摩洛哥阿甘油

Continue reading

論深層卸妝的重要性!

論深層卸妝的重要性!

作為一個貪靚嘅女生,點會唔想肌膚睇起黎吹彈可破,為左呢個目標我地每日都勤勞認真進行護膚,但就容易忽略卸妝嘅重要性。卸妝程序如果唔做到足,徹底卸除殘妝嘅話,即使用再高級嘅護膚品都無辦法令肌膚充分吸收,快d學識呢5大卸妝重點啦!

深層卸妝重點1. 分區使用唔同卸妝產品


卸妝時最好使用唔同種類嘅產品在臉上用分區方式黎卸除。臉部嘅底妝可以使用清爽型嘅卸妝水或卸妝乳,而防水型睫毛膏、眼線同唇妝等等可以使用清潔力較強嘅卸妝油,咁樣就可以避免單一產品喺臉上因為妝感濃淡不一而留下殘妝或過度乾燥嘅反效果。另外建議可以用棉花棒沾取卸妝產品卸除較難清潔到嘅微細部位,避免肌膚因為過度拉扯而造成細紋。

深層卸妝重點2. 調整水溫以充分乳化殘留污垢

有人話用冰水洗臉就可以收細毛孔,究竟係真定假?事實喺在卸妝時水溫如果係太冰涼反而容易令污染物鎖喺毛孔裡無法排出而造成反效果,而且亦會導致卸妝油喺臉上無法充分乳化,大大降低清潔力。最好嘅做法就係將水溫調至同體溫差不多嘅溫度後再洗面,咁樣不但止可以避免過熱嘅水帶走臉上自然分解油脂而造成乾燥,更可以防止污垢停留喺毛孔入面。

深層卸妝重點3. 打圈按摩逼出毛孔髒污

卸妝時嘅手法非常重要,應該由內而外、由上而下以畫圈的方式温柔咁將面上彩妝溶解,但唔如以為按摩得愈耐就愈好,其實動作應該要仔細並快速,如果令卸妝產品喺臉上停留超過兩分鐘的話容易會令肌膚變得乾燥脆弱,亦會增加將污垢按回毛孔嘅可能性。


深層卸妝重點4. 使用化妝棉由上而下清潔

有d女生習慣用卸妝棉搭配卸妝產品清潔面部肌膚,呢個時候要注意面上毛孔嘅生長方向係朝下,因此喺用卸妝棉卸除彩妝時要記得由上往下推進,手法要輕柔,避免過度拉扯肌膚,咁樣就能防止髒污油垢被推回毛孔中。


深層卸妝重點5. 避免使用清潔、卸妝二合一的產品

市面上有好多專為懶女生而設清潔、卸妝二合一產品,不過大家如果想徹底卸妝、做足深層清潔嘅話都係要乖乖再用洗臉乳二次清潔!雖然呢類型嘅產品真係很方便,但是佢地大部分嘅清潔力都係有限,加上每個人膚質唔同,如果總係用二合一產品就完成清潔、卸妝步驟產品,其實很容易造成肌膚乾燥或出油問題,長遠黎講會令殘妝喺毛孔中堆積,令肌膚變得暗啞粗糙。

Continue reading

懷孕期間下肢嚴重水腫?五個簡單食譜幫你有效紓緩解水腫問題

懷孕期間下肢嚴重水腫?五個簡單食譜幫你有效紓緩解水腫問題

好多女生懷孕6個月之後,可能會有四肢腫脹嘅情況,稱之為孕期水腫。如果只係腳踭有輕度腫脹,喺休息之後就會慢慢消失,呢個係屬於正常現象,唔使太過擔心。但係如果腫脹繼續加劇,甚至蔓延到全身,咁我地就要採取一定嘅措施黎緩解水腫癥狀了。

戒口
首先,喺飲食上切忌食過鹹嘅食物、寒涼食物同埋油膩食物,例如肥肉、糯米等。呢d食物喺體內容易形象脾胃運化水濕功能,令水濕好難消退。飲食要以清淡為主,尤其適合食有利水消腫嘅赤小豆、黑豆、綠豆、莧菜、黃白花椰菜、葫蘆、萵苣。兼脾虛者,可以加山藥、香菇、栗子、大棗等健脾食材;如果腎陽唔夠嘅朋友,可以加蓮子、芡實、羊肉等補腎食物。

當水腫嚴重,而小便少時,咁就要限制每日嘅飲水量,而且採用無鹽飲食,避免水分喺體內停留加重,到時就更加難以排出。
健康處方
喺發生妊娠水腫後,要密切注意觀察血壓、體重嘅情況。如果血壓增高過體重增加很好明顯嘅朋友,應該立即去醫院積極治療,避免妊娠中毒症嘅發生。除此之外,採用飲食療法都會有助於減輕水腫,而且對孕婦同bb都有益處。下面就為大家介紹幾款葯膳食譜,各位朋友可以根據自身情況選擇。
一:將粟米剁碎後加水煮滾,用文火煨,加少量食鹽,水滾後倒入鮮奶,然後放適量砂糖調味。

二:雞肉剁碎然後將小米煮成湯,放少量食鹽調味,水滾後用文火煨成糊狀服用。
三:分別攞赤小豆100g,綠豆100g,黑豆100g。將呢三種豆類洗乾淨後放入鍋中一齊煮,煮至爛熟,加入適量白糖調味。


四:田螺10個,放入滾水中碌熟,取出田螺肉,加入花椒10g,米仁30g,煮成粥,

五:冬瓜50g,豆瓣12g,黃芪10g。一齊放入水入面煮,待豆爛後丟掉黃芪加入適量紅糖。

Continue reading

洗臉的迷思

洗臉的迷思

洗臉從小洗到大,對好多人黎講根本就係家常便飯嘅事,有咩好學? 但係其實好多肌膚問題就係唔正確嘅洗臉方都說過清潔是護膚中最重要的步驟,每晚將毛孔潔淨同彩妝完全卸除,先可以避免暗粒和暗瘡產生。但不正確洗臉方式只會令肌膚愈洗愈髒,亦會令皮膚狀態變差,以下係大家最常遇到關於洗臉嘅問題同迷思,宜家就逐一擊破啦。

 

洗面錯處1: 只用熱水或凍水洗臉

水溫較低嗰陣毛孔會收縮,防止毛孔變粗大,但殘妝同污垢較難洗淨;而水溫較高嗰陣毛孔會增大,毛孔內嘅油脂會被過度洗淨,皮膚嘅保濕能力亦會降低,加速皮膚老化。所以用太熱或者太凍嘅水洗臉都會對肌膚做成傷害。

 

正確方法:用同體溫相約嘅溫水洗淨肌膚,然後再用凍水沖洗,令潔淨後的毛孔收縮,皮膚變回緊緻狀態。

 

洗面錯處2: 洗面前簡單弄濕雙手

準備洗面前,我地都要先將雙手沖濕一下,再整濕臉部,然後擠洗面乳洗面。其實雙手,尤其指甲邊,都藏有大量細菌,直接洗面嘅話就等於將細菌塗上臉上,反而愈洗愈污漕!

正確方法: 洗面前要用洗手液先徹底清潔雙手,然後再用潔面乳洗面。

 

洗面錯處3: 只用潔面乳

唔少人以為只用潔面乳就可以清走殘妝同皮膚表面和毛孔內嘅污垢,其實潔面乳只可以洗去汗水、老化角質層同防曬等潤膚品,而卸妝液內嘅植物油和油水乳化劑,可以徹底洗掉殘妝和毛孔內污垢。

正確方法:對於經常化妝嘅女生,洗面應該先用卸妝液,再用潔面乳。

 

洗面錯處4: 只著重潔面產品的起泡量

好多人都認為潔面產品只要夠起泡,先可以以深入毛孔帶走污垢。泡泡可以減少對肌膚刺激下潔淨毛孔,亦可以減少同肌膚嘅摩擦,避免產生細紋。其實容易大量起泡反而代表活性界面劑太強,對肌膚反而唔好。

正確方法:應該喺雙手上搓揉潔面產品,起泡後再塗抹喺肌膚上,唔好直接喺臉上搓揉。

 

洗面錯處5: 使用強效的潔面產品

使用潔面產品時,臉上有拉扯掹緊嘅感覺,咁其實就代表潔面產品太過刺激、清潔力過強,過度洗去皮膚上油脂,會造成皮膚乾燥和敏感,太強效嘅潔面產品反而對肌膚做成傷害。

正確方法:選擇清潔性適中嘅產品,洗面後亦應立即用爽膚水同保濕面霜。

 

洗面錯處6: 洗面後用毛巾擦乾臉部

毛巾長期潮濕,容易滋生細菌;而且毛巾質地粗糙,同皮膚大力摩擦會令肌膚出現敏感。如果唔係每日清潔毛巾的話,就等於將臉上抹走嘅污垢油脂再次抹上臉上,自然愈洗愈污糟。

正確方: 洗面後用紙巾輕力喺臉上印走水分,減少摩擦。如果要使用毛巾的話,一定要經常清洗同消毒,亦應該以印乾而唔係抹乾。

 

Continue reading

每天卸妝暗粒仲係長不停?請記住以下嘅卸妝地雷!

每天卸妝暗粒仲係長不停?請記住以下嘅卸妝地雷!

每日徹底卸妝清潔,係護膚最重要嘅一環,亦相信係每個女性都知道嘅護膚之道。但係點解明明每日都做足嘅清潔步驟,暗粒粉刺都仲係不停生出黎?原來係因為以下嘅卸妝地雷!

地雷1:用毛巾擦臉


毛巾質地比較粗糙,會對脆弱嘅皮膚做成傷害。正確做法是係用上溫和去角質產品後,用指腹以畫圓方式按摩臉部,最後再用水沖洗。另外,洗完臉後唔好再用毛巾將臉擦乾,先輕拍令水自然風乾,再用紙巾輕印臉上嘅水分,咁樣就不會過度摩擦肌膚。

地雷2:用一張卸妝棉卸妝

使用同一張化妝棉卸妝的話,會將眼睛上嘅化妝品帶到臉上或者將臉上嘅化妝品整到眼睛上,都有可能會造成臉部毛孔堵塞或者感染。除此以外,咁樣唔會有效地將化妝品卸乾淨,導致化妝品殘留在臉上。所以,卸妝時最好者係用兩張化妝棉,先用一張卸掉臉上嘅妝容,另一張再將殘留嘅化妝品清乾淨。

地雷3:眼妝沒徹底卸乾淨


如果冇徹底將眼妝卸乾淨,好有可能會造成細菌感染!所以唔理需要幾多卸妝棉或棉花棒,都絕對唔可以慳!將卸妝棉沾上眼唇卸妝油後,覆蓋喺睫毛上幾秒鐘,之後睫毛膏一抹就會甩。有畫內眼線嘅朋友,可以用棉花棒沾卸妝油後,輕輕擦甩內眼線,咁樣就可以將眼妝卸乾淨。

地雷4:只用卸妝油


淨係用卸妝油倒喺化妝棉上卸走化妝品係絕對唔夠嘅!卸完妝之後,一定要再用洗面乳或者其他臉部清潔產品,進行double cleansing雙重潔淨,咁樣先可以確保已將臉上嘅髒污或者殘妝徹底去除。

地雷5:分唔清卸妝油、卸妝水


如果只係搽上一層薄薄的BB cream或者遮瑕膏,咁用卸妝水就足夠將臉上嘅底妝卸乾淨。但要留意:即使出門時冇化妝,夜晚清潔時亦應該用卸妝水將臉上嘅污垢抹掉。如果畫左全妝,包含底妝、眼影、睫毛膏、腮紅等等,就一定要用卸妝油先可以將臉上嘅化妝品徹底卸除。

地雷6:用過熱的水洗臉


用熱水洗臉會造成肌膚乾燥敏感,甚至係令毛孔變大,清潔之後亦會更容易令空氣中嘅污垢或塵埃塞住毛孔,因此記得要溫柔對待肌膚並用溫水洗臉。

Continue reading

頭髮扁塌關洗頭事!學懂正確洗頭方法輕易塑造空氣感髮型

頭髮扁塌關洗頭事!學懂正確洗頭方法輕易塑造空氣感髮型

頭髮扁塌問題喺潮濕嘅香港特別嚴重,為左對付扁塌頭髮亂用造型產品,只會令問題愈來愈嚴重。其實頭髮扁塌除左因爲天生髮質影響之外,亦同你嘅洗頭方法有直接關係。想擁有空氣感髮型,首要是學識正確洗頭方法及程序!

洗髮重點[1]:重點清洗頭皮


要記著擁有潔淨嘅頭皮先會養成健康髮絲,所以洗頭重點唔係洗髮絲,而係清潔頭皮。而洗頭嘅頻率要依照每個人頭皮嘅皮脂性而定,太頻密會破壞頭皮皮脂膜,令頭皮變得敏感或頭皮過乾。

洗髮重點(2):洗髮水起泡後先抹喺頭髮上


直接將洗髮水塗喺度髮絲上大概係最多人犯嘅洗頭錯誤,原來咁樣做有機會刺激到頭皮,未起泡嘅洗髮水亦未能發揮應有嘅清潔力。洗頭時應該先將洗髮水喺手掌心搓出泡泡再抹在頭上,均勻讓泡沫塗在髮根與頭皮之間。

洗髮重點(3):用洗頭水洗兩遍


好多人貪快貪方便,每次洗頭只會洗一次,其實一次未必可以將頭皮清潔乾淨。正確方法係每次洗頭都要用洗頭水洗兩次,第一次等洗頭水停留頭皮15至30秒,咁樣可以快速洗去殘留嘅油脂,第二次大約30至60秒,呢次泡泡會較多,你血重點放喺按摩頭皮,最後用泡泡帶過髮絲,然後用水清洗乾淨就可以。

洗髮重點(4):盡快吹乾頭皮及髮絲


濕左嘅頭髮表皮層會全開,嗰陣就係頭髮最為脆弱嘅時候,水分喺髮絲愈久,頭髮會愈容易變得毛燥、亂翹同埋髮根扁塌 ,所以洗髮後一定要從頭皮開始到髮尾,盡快吹乾頭髮。如果濕住頭髮睡覺,髮質必定不堪設想。

Continue reading

美麗有「毒」 4種常見美膚品有害成分

美麗有「毒」 4種常見美膚品有害成分

女生們每日都會用多種唔同功效嘅護膚同化妝品,但未必人人都了解當中成分。皮膚係人體最大嘅器官,搽喺皮膚上嘅64%物質都會被吸收,直接進入血液。所以如果唔留意所用產品嘅確實成分,身體隨時會被化學物質「毒害」。美容網站popsugar.com就集結左4種最常見嘅護膚同化妝品有害成分,大家趕快檢查自己正在使用嘅產品啦!

 

苯甲酸酯類(Paraben)

對於細菌、酵母菌及黴菌都有好好嘅抑制效果,有極佳殺菌效果,而當中嘅Methyl parabenEthyl paraben等成分多常用喺洗髮精同化妝品。Paraben價錢低、無色、無味而且毒性低,因此成為化妝保養品中常見嘅防腐劑成份。美國食品藥物管理局FDA曾經表示,好多動物同實驗室研究員都顯示 parabens 同雌激素作用類似,可能有導致乳癌嘅潛在危險。

 

礦物油(Mineral Oil)

好多護膚品中都有添加礦物油,尤其係卸妝產品同唇膏,喺皮膚搽上礦物油會擾亂天然免疫屏障,阻礙肌膚自然呼吸,令毒素唔可以排出,堆積喺體內,造成痤瘡。礦物油仲會減緩皮膚運行功能,影響正常嘅細胞生長,加速肌膚老化。

 

合成香精(Fragrance)

合成香精主要用喺增添保養品嘅氣味,大多用於除臭劑、防曬霜、護膚品和同兒產品。《Home Safe Home》作者Debra Lynn Dadd喺書入面指出合成香精中嘅好多合成物都有致癌作用或有毒,呢d成分幾乎全部是化學合成,例如甜精、糖精、甘味劑、香豆素等。美國食品藥物管理局FDA亦表示,同合成香精嘅相關症狀分別有頭疼、劇烈咳嗽﹑嘔吐同過敏性皮膚不適。醫生嘅臨床觀察說明合成香精會影響中樞神經系統,引起精神沮喪、多動、興奮易怒、缺乏處理能力。

 

聚二乙醇(PEG/Polyethylene glycol)

常見用於乳液、保濕產品中,聚二乙醇嘅化學成分通常用數字作為不同類型區分,如:PEG-4PEG-100等等,數字愈小,代表化學成分愈容易被皮膚吸收。嘅類成分好容易被皮膚吸收,容易累積在肝臟中。根據《International Journal of Toxicology》嘅化妝品成分審查報告中顯示,有好多污染物喺含有聚二乙醇嘅化妝品中被發現,包括1,4-二氧陸環、多環芳香族化合物,重金屬鉛、鐵、鈷、鎳、鎘、砷等。聚乙二醇不單止有潛在喺致癌作用,更減弱疫系統,係四者中最需要留意嘅有害成分。

Continue reading

Why Do Many Korean Women Have Good Skin?

Why Do Many Korean Women Have Good Skin?

Have you ever wondered how those Korean actresses have such flawless skin when you are watching Korean Drama? It’s no secret that even many middle-aged Korean women have the unbelievably flawless and utopian skin. So, what is the mystery behind that?

 

Eating Healthy

As meat is very expensive in Korea and much of the diets is vegetables, tofu and grains, Korean women tend to eat very few oily, fried and processed foods. The Korean diet mainly composed of fish, rice, vegetables, lean meat and plenty of fruits for dessert, which not only helps Korean women to stay trim, but also helping them to create amazing complexions.

They also consumer very few foods with refined sugars like cakes, ice cream, sodas and baked goods, as these would cause insulin to spike and create inflammation in the body, which would eventually break down collagen and elastin, causing sagging skin and or course, wrinkles.

 

Anti-Sun Habit

Korean women protect themselves from any contact of sunlight so as to avoid UV damage. What is more is that you won’t see Korean women sunbathe for hours at the beaches in Bikinis. Instead, they cover themselves in shorts, thin long sleeved shirts, sun hats and sunglasses to retreat themselves to the shade. Skin tanning is not popular at all because they believe that it would harm their skins.

 

Rice water Ritual

For many women in Korea, washing face with rice water has always been a soothing and traditional element to skincare as they believe that it has nourishing and brightening benefits. Rice water contains rich vitamins, minerals and amino acids which are essential for beautiful skin. Although it sounds very ritualistic, many of them still follow this practice. They simply soak the rice with water for 10-15 minutes until the water turns cloudy and rinse themselves with it.

Continue reading
  • Page 1 of 2